Vestland KrF har på årets fylkesårsmøte valt Malin Helene Andvik (33) frå Alver til ny fylkesleiar. Delegatane gav si fulle støtte til valkomiteen si innstilling.
– Eg er takksam for tilliten. Vestland er eit mangfaldig og moglegheitsrikt fylke, og KrF har ei viktig rolle i å løfte fram politikk som set mennesket i sentrum. Eg gler meg til å stå i dette arbeidet saman med eit dyktig fylkesstyre og engasjerte lokallag, seier Andvik.
Bakgrunn og erfaring
Malin Helene Andvik arbeider til dagleg som lærar, og bur i Alver kommune. Ho har brei politisk erfaring både lokalt og regionalt: Lokallagsleiar i Alver KrF, 1.nestleiar i Vestland KrF sitt fylkesstyre, folkevald i Alver kommunestyre 2015–2023 og tidlegare leiar for utval for areal, plan og miljø i Alver.
– Som lærar ser eg kor viktig det er med medmenneskelege fellesskap, robuste familier og gode lokalsamfunn. Det vert viktig for meg å løfte fram politikk som gir barn og familiar meir tryggleik og fleire moglegheiter, seier ho.
Eit samla årsmøte
Fylkesårsmøtet valde nytt fylkesstyre i tråd med innstillinga. Det nye laget blir beskrive som ei god blanding av kontinuitet og fornying.
– Malin har vist sterk fagleg og politisk tyngde, og vi er overtydde om at ho vil vere ein samlande og tydeleg leiar for Vestland KrF, seier valkomiteleiar Eivind Skår.
Nytt fylkesstyre i Vestland KrF
Leiar: Malin Helene Andvik – vald for 2 år
1. nestleiar: Ragnhild Stav – ikkje på val
2. nestleiar: Jarle Jacobsen – vald for 2 år
Styremedlemmer:
Ingvill Blom – 1 år
William Dalsbø – 2 år
Solfrid Rong, kvinnepolitisk leiar – 2 år
Øvrige medlemmar:
Trude Brosvik, leiar i fylkestingsgruppa – ikkje på val
Harald Berge Breistein, leiar i Bergen KrF – ikkje på val
Betty Belay, leiar i Vestland KrFU – ikkje på val
Varamedlemer:
1.vara: Harald Rydland – 1 år
2.vara: Kari Synnøve Muri – 1 år
3.vara: Jo Båtevik – 1 år
