Kommuneprogram 2023-2027

Kristeleg folkeparti er i alt sitt politiske arbeid forplikta på det kristne menneskesynet, nestekjærleiksbodet, tenesteoppdraget og forvaltaransvaret.

Kyrkje og kristenliv

KrF vil arbeida for:

  • å gi kyrkja gode økonomiske vilkår til å utføra oppgåvene sine.
  • godt vedlikehald av kyrkje og gravplass.
  • gode vilkår for frivillig arbeid.

Skule og barnehage

KrF vil arbeida for:

  • auka støtte til born som treng ekstra oppfølging
  • å gi kurstilbod til lærarar og foreldre som har born med spesielle behov.
  • at kristne grunnverdiar skal prega skule og barnehage.
  • tilrettelegging til meir samhandling mellom heimane og skulen
  • at barnehagetilbodet og skule må vera mest mogleg knytt til naturen og nærmiljøet.
  • meir leikbasert læring i småskulen
  • meir praktisk læring i skulen

Alkohol, narkotika og andre rusmidlar

Rus er framleis årsak til store helse- og sosialproblem i landet.

KrF vil arbeida for:

  • å støtte gode, rusfrie fritidstilbod.
  • at kommunale tilstellingar er rusfrie.
  • ein restriktiv alkoholpolitikk.
  • god kontroll med verksemder og lag som har løyve til å selja alkohol
  • eit aktivt og målretta kommunalt rusførebyggjande arbeid.

Helse og omsorg

KrF ynskjer å skapa trygge livsvilkår for alle som bur i Bokn.

KrF vil arbeida for:

  • å sikra eit godt førebyggjande helsearbeid for alle.
  • at psykisk sjuke får eit tilstrekkeleg tilbod.
  • at det er tilgjengelege bustadar til innbyggjarar med spesielle behov

Kultur og verdival

KrF vil arbeida for:

  • aktivt og godt samspel mellom det frivillige og det offentlege.
  • å støtte arbeidet som vert drive av frivillige og frivillige organisasjonar.
  • å støtte varierte aktivitetar for eldre
  • å støtte fleirkulturelle aktivitetar
  • et aktivt og positivt ungdomsmiljø

Familiepolitikk

Familien er den grunnleggjande byggesteinen i samfunnet vårt.

KrF vil arbeida for:

  • å styrkja regionalt samarbeid om familierådgiving og samlivskurs.
  • at alle barn uansett familieforhold blir tatt vare på og får omsorg og gode oppvekstvilkår.
  • at familiar som treng hjelp må få dette mest mogleg gjennom heimebaserte tiltak.
  • at kommunen gir god informasjon om Boknasamfunnet til innflyttarar, og at det blir kjekt på

Bokn for alle.

Næringsverksemd

Eit velfungerande og aktivt næringsliv er ein føresetnad for å sikra velferdssamfunnet.

KrF vil arbeida for:

  • god service og kort handsaming frå kommunalt hald.
  • fleire nye arbeidsplassar på Bokn
  • å sikra næringsareal med lett tilgang til sjø.
  • at det vert laga kvileplass for tungtransport m/service på Bokn
  • godt samarbeid med andre kommunar på Haugalandet om næringsutvikling.
  • godt vedlikehald av kommunale vegar og eigedommar.
  • å få ein god utvikling på område frå og med Knarholmen og sørover.
  • å tilføre næringsfondet meir midlar
  • å realisere hamneprosjektet på Austre Bokn

Jordbruk

Eit aktivt jordbruk i Bokn er nøkkelen til det varierte kulturlandskapet vi har i dag.

KrF vil arbeida for:

  • å leggja til rette for eit attraktivt og produktivt jordbruk.
  • å sikra at bu- og driveplikta vert håndheva.
  • vern av dyrka og dyrkbar jord, ved at jord ikkje blir bustad- eller næringsområde.
  • å oppmuntra til at jordbruksjord utan bygningar vert seld som tilleggsjord.

Kommunikasjon og sam­ferdsel

Gode kommunikasjonsløysingar er viktig for å sikra busetting og næringsliv i alle deler av kommunen.

KrF vil arbeida for:

  • god planløysing for E39 gjennom Bokn
  • minimalisere inngrep i miljøet ved bygging av ny E39
  • å få ruste opp kommune- og fylkes vegar til eit høgare akseltrykk
  • å betre kollektivtilbodet for vidaregåande elevar frå Bokn

Miljø og natur

KrF vil arbeida for:

  • å ta vare på den varierte og fine naturen i kommunen.
  • å legge til rette for balansert bruk av naturen til friluftsliv og næring
  • stimulere tiltak som kan stoppe tilgroing.
  • stimulere til energisparande tiltak og bruk av nye energikjelder.
  • mindre bruk av plast
  • å motivera til «plogging»

(plogging er en mosjonsform som kombinerer jogging og plukking av boss)

Bustadbygging

KrF vil arbeida for:

  • at kommunen har regulerte områder til husbygging på meir en ein plass.
  • at kommunen legg til rette for byggefelt med varierte og attraktive tomter.
  • at det er mogleg å byggja større hus med fleire bueiningar med livsløpsstandard